ប៉ូលិស​ខេត្ត​ប៉ៃលិន ដាក់​ភ្នាក់ងារ​សម្ងាត់ ទើប​ចាប់​បាន​នារី​ៗ០៣​នាក់ ពាក់ព័ន្ធ​គ្រឿងញៀ.ន

កម្លាំង​នគរបាល ចុះ​បង្ក្រាប​ករណី​គ្រឿងញៀន​នៅ​ខេត្ត​ប៉ៃលិន ដូច​ភ្លៀងរលឹម តែ​បង្ក្រាប​មិន​ចេះ​អស់ ខណៈ​ចាប់​បាន​អ្នក​ជួញដូរ​ប្រុស​ស្រី​ជា​ច្រើន​នាក់​។ រីឯ​នៅ​ពេល​នេះ មន្ត្រី​នគរបាល​បង្ក្រាប​គ្រឿងញៀន បាន​ដាក់​ភ្នាក់ងារ​សម្ងាត់
ទើប​ចាប់​បាន​អ្នក​ប្រើប្រាស់ រក្សា​ទុក និង​ជួញដូរ​គ្រឿងញៀន​សុទ្ធតែ​នារី​ៗ​វ័យក្មេង ដោយ​អ្នកខ្លះ ជា​បុគ្គលិក​កាស៊ីណូ នៅ​ក្បែរ​ច្រក​ទ្វារ​អន្តរជាតិ​ព្រំ ។

ជាក់ស្តែង​នៅ​វេលា​ម៉ោង​១២ និង​១០​នាទី​ថ្ងៃត្រង់ ថ្ងៃ​ទី​២៥ ខែសីហា ឆ្នាំ​២០២៣ កម្លាំង​នគរបាល​ប្រឆាំង​បទល្មើស​គ្រឿងញៀន នៃ​អធិការ​ស្រុក​សាលា​ក្រៅ សហការ​ជាមួយ កម្លាំង​ប៉ុស្តិ៍​នគរបាល​រដ្ឋបាល​ស្ទឹង​កាច់ ធ្វើការ​បង្ក្រាប​ជាក់ស្តែង​ករណី​ជួញដូរ រក្សា​ទុក និង​ប្រើប្រាស់​ថ្នាំ​ញៀន ដោយ​ខុសច្បាប់​នៅ​ចំណុច​ផ្ទះ​ជួល​មួយ​កន្លែង ស្ថិត​នៅ​ភូមិ​ផ្សារ​ព្រំ ឃុំ​ស្ទឹង​កាច់ ស្រុក​សាលា​ក្រៅ ខេត្ត​ប៉ៃលិន ។

ប្រភព​ព័ត៌មាន​បាន​ឲ្យ​ដឹង​ថា ជនសង្ស័យ​ដែល​ចាប់​ឃាត់ខ្លួន​មាន​ចំនួន​០៣​នាក់ ៖
ទី​១- ឈ្មោះ មាន រ៉ា​ទី ភេទ​ស្រី អាយុ​៣០​ឆ្នាំ ជា​បុគ្គលិក​កាស៊ីណូ​។
ទី​២- ឈ្មោះ មាន ច​ន្ថា ភេទ​ស្រី អាយុ​២១​ឆ្នាំ មុខរបរ​មិន​ពិត ប្រាកដ​។
ទី​៣- ឈ្មោះ ប៉ង ស្រី​ល័ក ភេទ​ស្រី ២១​ឆ្នាំ មុខរបរ​មិន​ពិតប្រាកដ​។
ទាំង​៣​នាក់​ខាងលើ ស្នាក់​នៅ​ក្នុងភូមិ​ផ្សារ​ព្រំ​ជើង ឃុំ​ស្ទឹង​កាច់ ស្រុក​សាលា​ក្រៅ ខេត្ត​ប៉ៃលិន​។

 

វត្ថុ​តាង​ដែល​ដកហូត​រួម​មាន ៖
-​ម្សៅ​ក្រាម​ស ថ្លា សង្ស័យ​ជា​សារធាតុ​ញៀន ចំនួន​០១​កញ្ចប់​ធំ មាន​ទំង្ងន់​៣,៦៩​ក្រាម (​ថ្នាំ​សុទ្ធ​)
-​សម្ភារៈ សម្រាប់​ជក់ និង​បារី​អេ​ឡិច​ត្រូ​និ​ច ចំនួន​០៨​ដើម ។

ប្រភព​បន្ត​ទៀត​ថា មុន​ពេល​កើតហេតុ គេ​ឃើញ​ជនសង្ស័យ​ខាងលើ លក់ដូរ​ឲ្យ​អតិថិជន ដែល​ចូល​ទៅ​ទិញ​យ៉ាង​ពពាក់

ពពូន នៅ​កន្លែង​នោះ​ផង​ដែរ។ លុះ​ពេល​ដែល​ស្ងាត់​មនុស្ស ​មន្ត្រី​ជំនាញ បាន​ដាក់​ភ្នាក់ងារ​សម្ងាត់ អោយ​បន្លំ​ខ្លួន​ចូល​ទៅ​រក​ទិញ​ថ្នាំ​ញៀន​ពី​អ្នក​ចែកចាយ ដើម្បី​រក​មើល​មុខសញ្ញា និង​ប្រមូល​ភ័ស្តុតាង​ឲ្យ​នគរបាល រួច​ហើយ កម្លាំង​នគរបាល​បាន​ចុះ​បង្ក្រាប​ជាក់ស្តែង តែ​ម្តង ។

បច្ចុប្បន្ន ជនសង្ស័យ​ទាំង​០៣​នាក់​ខាងលើ ត្រូវ​បាន​នាំ​ខ្លួន​មក​កាន់​អធិការដ្ឋាន​នគរបាល​ស្រុក​សាលា​ក្រៅ ដើម្បី​រៀបចំ​សំណុំរឿង​បញ្ជូន​ទៅ​តុលាការ ចាត់ការ​តាម​នីតិវិធី​ច្បាប់ ៕

អត្ថបទទាក់ទង

សម្តេចមហាបវរធិបតី ហ៊ុន ម៉ាណែត លោកបានលើកឡើងថា.....
អនុវត្តតាមគោលការណ៍ឯកឧត្តមអភិសន្តិបណ្ឌិត ស សុខា៖ នគរបាលស្រុកលើកដែក ឃាត់តៃកុងរថយន្តក្រុង ភ្នំពេញ-វៀតណាម ធ្វើកិច្ចសន្យា
សម្តេចមហាបវរធិបតីហ៊ុន ម៉ាណែត ថ្លែងជុំវិញរឿងលូ១កង់ 40$ និងរឿងបណ្ឌិតសុខ ទូច
ករណីលួចគ្រប់គ្រងគណនី facebook ហើយបានបន្លំខ្លួនជាម្ចាស់គណនីផ្ញើសារតាមរយៈ facebook messenger ទៅសាច់ញាតិ ឬអ្នកស្គាល់គ្នាជាមួយជនរងគ្រោះ ដើម្បីធ្វើការឆបោកខ្ចីប្រាក់
ករណីលួចគ្រប់គ្រងគណនី facebook ហើយបានបន្លំខ្លួនជាម្ចាស់គណនីផ្ញើសារតាមរយៈ facebook messenger ទៅសាច់ញាតិ ឬអ្នកស្គាល់គ្នាជាមួយជនរងគ្រោះ ដើម្បីធ្វើការឆបោកខ្ចីប្រាក់
លោកឧត្តមសេនីយ៍ទោ សិទ្ធិ ឡោះ ដឹកនាំកម្លាំងនគរបាលក្រោមឱវាទ ចុះការពារសន្តិសុខ សុវត្ថិភាព សណ្តាប់ធ្នាប់ជូនថ្នាក់ដឹកនាំ ក្នុងពិធីសម្ភោធការជួសជុលថែវប្រាសាទបន្ទាយឆ្មារ
លោកឧត្តមសេនីយ៍ទោ សិទ្ធិ ឡោះ ដឹកនាំប្រជុំផ្សព្វផ្សាយផែនការ ការពារ សន្តិសុខ សុវត្ថិភាព សណ្តាប់ធ្នាប់ ជូនថ្នាក់ដឹកនាំក្នុងពិធីបុណ្យឆ្លង កាត់ខ្សែបូ ថែវប្រាសាទបន្ទាយឆ្មារ ឆាប់ៗខាងមុខ
+