ឯកឧត្តមទៀ សីហា និង ឯកឧត្តមស សុខា ឡើងឋានន្តរស័ក្កិជា នាយឧត្តមសេនីយ៍

ភ្នំពេញ៖  ព្រះករុណា ព្រះមហាក្សត្រ សម្តេចព្រះបរមនាថ  នរោត្តម សីហមុនី តាមព្រះរាជក្រឹត្យ ចុះថ្ងៃទី២៣ ខែសីហា បានដំឡើងឋានន្តរស័ក្កិ លោក ទៀ សីហា ឧបនាយករដ្ឋមន្រ្តី និងជារដ្ឋមន្រ្តីក្រសួងការពារជាតិ ជានាយឧត្តមសេនីយ៍ នៃកងយោធពលខេមរភូមិន្ទ។ តាមព្រះរាជក្រឹត្យដាច់ដោយឡែក លោក ស សុខា ឧបនាយរដ្ឋមន្រ្តី និងជា រដ្ឋមន្រ្តីក្រសួងមហាផ្ទៃ ក៏ត្រូវបានដំឡើងឋានន្តរស័ក្កិ ជានាយនគរបាលថ្នាក់ឧត្តមសេនីយ៍ ក្របខ័ណ្ឌមន្រ្តីនគរបាលជាតិកម្ពុជា នៃក្រសួងមហាផ្ទៃ៕