គណៈកម្មាធិការជាតិរៀបចំការបោះឆ្នោត(គ.ជ.ប) បានណែនាំឱ្យពង្រឹងសន្ដិសុខ សណ្ដាប់ធ្នាប់ និងរបៀបរៀបរយក្នុងការិយាល័យបោះឆ្នោត និងការិយាល័យរាប់សន្លឹកឆ្នោត ក្នុងដំណើរការបោះឆ្នោតជ្រើសតាំងសមាជិកព្រឹទ្ធសភា នីតិកាលទី៥។ ក្នុងនោះ គ.ជ.ប បានណែនាំទៅដល់ប្រធានគណៈកម្មការរាជធានី ខេត្ដ រៀបចំការបោះឆ្នោត(គធ.ខប) និងប្រធានគណៈកម្មការការិយាល័យបោះឆ្នោត និងរាប់សន្លឹកឆ្នោត(គ.ក.ប/គ.ក.រ) ត្រូវសហការជាមួយកម្លាំងសន្ដិសុខបោះឆ្នោតតាមមណ្ឌលបោះឆ្នោត និងតាមការិយាល័យនីមួយៗរៀងៗខ្លួន ដើម្បីធានាបាននូវសន្ដិសុខ សុវត្ថិភាព សណ្ដាប់ធ្នាប់ និងរបៀបរៀបរយក្នុងដំណើរការបោះឆ្នោត និងរាប់សន្លឹកឆ្នោត។