ឯកអគ្គរាជទូតតែងតាំងថ្មីរបស់ព្រះរាជាណាចក្រកម្ពុជា ចំនួន៧រូប អញ្ជើញចូលថ្វាយបង្គំលា ព្រះមហាក្សត្រមុននឹងចេញទៅបំពេញបេសកកម្ម ការទូត ។

ព្រះករុណាជាអម្ចាស់ជីវិតលើត្បូង ព្រះបាទសម្តេចព្រះបរមនាថ ព្រះមហាក្សត្រនៃព្រះរាជាណាចក្រកម្ពុជា ជាទីសក្ការៈដ៏ខ្ពង់ខ្ពស់បំផុត ព្រះអង្គបានសព្វព្រះរាជហឬទ័យប្រោសព្រះរាជទានឯកឧត្តម ជាឯកអគ្គរាជទូតតែងតាំងថ្មីរបស់ព្រះរាជាណាចក្រកម្ពុជា ចំនួន៧រូប ចូលក្រាបថ្វាយបង្គំគាល់នៅព្រះមហាប្រាសាទខេមរិន្ទ ក្នុងព្រះបរមរាជវាំង វេលាម៉ោង១០ព្រឹកថ្ងៃទី២៥ ខែសីហា ឆ្នាំ២០២៣ ដើម្បីក្រាបថ្វាយបង្គំលាព្រះមហាក្សត្រ មុននឹងចេញទៅបំពេញបេសកកម្មការទូតរបស់ឯកឧត្តម ជាឯកអគ្គរាជទូត ដែលនឹងប្រព្រឹត្តទៅក្នុងពេលដ៏ឆាប់ៗខាងមុខនេះ។